Sturtuhausinn í kvöld

Sturtuhausinn í Sjallanum í kvöld kl. 20:00

Í kvöld, klukkan 20:00, fer fram Sturtuhausinn  í sjallanum, árleg söngkeppni VMA. Húsið opnar kl. 19:30 og lofar kvöldið mikilli stemningu og fjölbreyttum tónlistaratriðum.

Í keppninni í ár eru níu atriði, þar sem nemendur flytja lög úr ólíkum áttum tónlistarinnar. Keppendur og lög kvöldsins eru:

• Ólöf Alda Valdemarsdóttir – Á annan stað eftir Sölku Sól

• Ninja Dögun Gunnarsdóttir – Lover Girl eftir Laufey

• Droplaug Dagbjartsdóttir – Dreamer með íslenskum texta eftir Ozzy Osbourne

• Gunnþór Ingi Jóhannesson – Útikvöld frumsamið eftir Gunnþór Inga Jóhannesson

• Emelía Bjarnveig Skúladóttir – Back to Black eftir Amy Winehouse

• Ásta Ólöf Jónsdóttir – Einmana eftir Þorvald Bjarna Þorvaldsson

• Elías Már Víðisson og Benjamín Kári Matthíasson – Lax eftir Emmsjé Gauta

• Anna Lovísa og Emilía Björt – Something in the Orange eftir Zack Bryan

• Sigrún Dalrós Eiríksdóttir – Með hækkandi sól eftir Systur

 

Hljómsveit spilar undir og er hún meðal annarsskipuð nemendum úr VMA og MA. Meðlimir hennar eru Axel Vestmann á bassa (MA), Ívar Leó Haukson á bassa (VMA), Bjarmi Friðgeirsson á trommur og Jónatan Smári á hljómborð (VMA).

Forsala aðgöngumiða hefur staðið yfir alla vikuna og er áfram hægt að kaupa miða á Glaze. Einnig verður miðasala við innganginn í kvöld. Miðaverð er 1.500 kr. fyrir Þórdunumeðlimi og 2.000 kr. fyrir aðra.

Í dómnefnd kvöldsins sitja Ágúst Þór Brynjarsson, Anna Skagförð og Daníel Freyr Jónsson.