Fara efni  

Stundatflur fyrir haustnn afhentar dag

Stundatflur vera afhentar Gryfjunni VMA dag, fimmtudaginn 21. gst, og morgun verur san fyrsti kennsludagur samkvmt stundaskr og hefst kennsla kl. 08:15.

Stundatöflur verða afhentar í Gryfjunni í VMA í dag, fimmtudaginn 21. ágúst, og á morgun verður síðan fyrsti kennsludagur samkvæmt stundaskrá og hefst kennsla kl. 08:15.

Stundatöflur verða afhentar í dag sem hér segir:
Kl. 09:30 – 10:00 Útskriftarnemar.
Kl. 10:00 – 11:00 Félagsfræðabraut, náttúrufræðibraut og vélstjórnarbraut.
Kl. 11:00 – 12:00 Aðrar brautir.
Kl. 13:00 – 13:30 Nýir og endurinnritaðir nemendur fæddir 1997 og fyrr.
Kl. 13:30 – 14:00 Nýnemar (fæddir 1998 og síðar) sem eru að koma beint úr grunnskóla.

Eftir að nýnemar hafa fengið stundatöflur í sínar hendur hitta stjórnendur skólans þá í Gryfjunni kl. 14 en síðan fara nýnemar  í kennslustofur með umsjónarkennurum og þar verður farið yfir ýmsa þætti er varða fyrstu dagana í skólanum ásamt því að gengið verður um skólann. Gert er ráð fyrir að nemendur verði með umsjónarkennurum sínum til kl. 15.30-16.00. Rétt er að taka fram að forráðamönnum nýnema er velkomið að vera með þeim allan þennan fyrsta skóladag í VMA.

Klukkan 16-17 í dag verður síðan kynningarfundur fyrir foreldra í stofu M01 þar sem  stjórnendur skólans hitta foreldra og svara spurningum. Þann 2. september verður annar fundur stjórnenda með foreldrum og þar verða einnig umsjónarkennarar nýnema.

Á  meðan á töfluafhendingu stendur í dag, verða starfsmenn Lostætis, sem annast matarsölu í matsalnum í Gryfjunni, á staðnum og selja matarkort/annarkort. Einnig er hægt að kaupa matarkort í gegnum vef Lostætis.

Bókalista fá nemendur með stundatöflunni á fimmtudag. Flestar bækur eru til sölu í Eymundsson en einnig eru hefti frá kennurum seld á skrifstofunni. Í fyrstu kennslustund fá nemendur námsáætlun fyrir önnina, upplýsingar um verkefnaskil,  námsmat, kennslubækur og fleira.

Nýnemaferðir verða í næstu viku og fá nemendur upplýsingar hjá umsjónarkennara sínum hvaða dag þeir fara (hver nemandi fer í eina ferð). Þann dag  mæta nemendur í skólann kl. 8.15 og þurfa að vera klæddir eftir veðri. Þeir þurfa ekki að taka með sér nesti. Komið verður til baka milli kl. 15 og 16.


Getum vi btt efni sunnar?
J

VERKMENNTASKLINN AKUREYRI

Skrifstofa VMA er opin alla virka daga fr kl. 08:00 - 15:00, nema fstudaga fr kl 08:00-13:00.