Fara í efni

Sprett úr spori í Vorhlaupi VMA

Ræsing Vorhlaups VMA í gær.
Ræsing Vorhlaups VMA í gær.
Vorhlaup VMA var þreytt í þriðja skipti síðdegis í gær og sem fyrr var ræst í hlaupið skammt sunnan Menningarhússins Hofs - við aðstöðuhús hvalaskoðunarfyrirtækisins Ambassadors - og voru tvær hlaupaleiðir í boði - 5 og 10 km. Fyrr í vikunni hefur verið heldur kulda- og vetrarlegt um að litast á Akureyri en síðdegis í gær var hlaupaveður eins og best verður á kosið. Um 50 hlauparar tóku þátt í hlaupinu.
Vegna mannlegra mistaka fór undanfari í hlaupinu vitlausa leið á einum stað á hlaupaleiðinni sem gerði það að verkum að sumir hlauparar hlupu ca 200 m styttri leið en þeir áttu að gera. Af þessum sökum getur hlaupið því miður ekki verið skráð löglegt götuhlaup samkvæmt FRÍ og því fá hlauparar tíma sína ekki í afrekaskrá/ferilskrá. Hins vegar standa úrslit hlaupsins.
Hér eru nokkrar myndir sem voru teknar í hlaupinu í gær og hér eru úrslit.