Fara efni  

Sngkeppni VMA: Fjrtn lg skr til tttku

Fjrtn lg hafa veri skr til tttku Sngkeppni VMA sem verur haldin Gryfjunni nk. fimmtudagskvld, 20. febrar. Sigurvegari keppninni verur fulltri VMA rlegri Sngkeppni framhaldssklanna.

Fjórtán lög hafa verið skráð til þátttöku í Söngkeppni VMA sem verður haldin í Gryfjunni nk. fimmtudagskvöld, 20. febrúar. Sigurvegari í keppninni verður fulltrúi VMA í árlegri Söngkeppni framhaldsskólanna.

Það er í mörg horn að líta fyrir þá sem halda utan um félagslífið í VMA. Fyrir röskri viku var haldin glæsileg árshátíð VMA og strax í þessari viku er komið að næsta stórviðburði í félagslífinu, sem er Söngkeppni VMA. Að vanda verður í engu til sparað að gera keppnina sem glæsilegasta, því hún er tvímælalaust einn af hápunktunum í félagslífinu á ári hverju. Óhætt er að segja að keppnin á sl. ári hafi verið afar glæsileg og verkefnið í ár verður að toppa hana. Í fyrra stóð Bjarkey Sif Sveinsdóttir uppi sem sigurvegari í keppninni og hún keppti síðan fyrir hönd VMA í Söngkeppni framhaldsskólanna, þar sem hún stóð sig með mikilli prýði og komst í úrslit.
En nú er það stóra spurningin; hver verður fulltrúi VMA í Söngkeppni framhaldsskólanna sem verður haldin á Akureyri í apríl nk.? Sem fyrr segir hafa fjórtán lög verið skráð til keppni í Söngkeppni VMA 2014, sem er svipuð þátttaka og á síðasta ári.

Á skóladagatali VMA er Söngkeppni VMA skráð viku síðar, 27. febrúar, en af ýmsum ástæðum var hún færð fram um viku. Nú er bara að taka næsta fimmtudagskvöld frá og fjölmenna í Gryfjuna. Það verður enginn svikinn af því.


Getum vi btt efni sunnar?
J

VERKMENNTASKLINN AKUREYRI

Skrifstofa VMA er opin alla virka daga fr kl. 08:00 - 15:00, nema fstudaga fr kl 08:00-13:00.