Sextán söngvarar í Sturtuhausnum
Sturtuhausinn – söngkeppni VMA verður haldin í Menningarhúsinu Hofi nk. fimmtudag kl. 20:00. Að þessu sinni eru sextán söngvarar skráðir til leiks
Hljómsveit kvöldsins verður skipuð valinkunnum tónlistarmönnum. Hallgrímur Jónas Ómarsson verður tónlistarstjóri og gítarleikari, Valgarður Óli Ómarsson spilar á trommur, Stefán Gunnarsson á bassa og Arnar Tryggvason á hljómborð.
Í dómnefnd kvöldsins verða: Lára Sóley Jóhannsdóttir, fiðluleikari, söngvari og lagahöfundur, Valdís Eiríksdóttir - Vala Eiríks útvarpskona á FM957 og fyrrum VMA nemandi og Jón Jósep Snæbjörnsson/Jónsi söngvari.
Kynnir verður Vilhelm Anton Jónsson/Villi Naglbítur.
Á undanförnum árum hefur Sturtuhausinn verið einn af hápunktunum í félagslífinu í VMA og svo verður einnig nú. Sem fyrr verður vandað í hvívetna til kvöldsins. Keppnin hefur alltaf verið haldin síðari hluta vetrar en að þessu sinni var ákveðið að halda hana á haustönn til þess að dreifa meira en áður stórviðburðum í félagslífinu á báðar annir. Eftir áramót verða tvir stærstu viðburðirnir annars vegar árshátíð nemenda og hins vegar sýningar á söngleiknum Ávaxtakörfunni í Hofi.