Saltkjöt og baunir, túkall - á nýstárlegan hátt!
Þau eru mörg áhugaverð verkefnin sem nemendur í öðrum bekk í matreiðslu í VMA glíma við í náminu. Í vikunni var verkefni dagsins að útfæra saltkjöt og baunir og hjónabandssælu á nýstárlegan hátt - sem aðalrétt og eftirrétt.
Það verður að segjast alveg eins og er að útkoman var frábær og nemendurnir staðfestu með vinnu sinni að saltkjöt er miklu meira en saltkjöt sem er soðið á sprengidaginn með baunasúpunni. Úr því er nefnilega hægt að gera dýrindis rétti sem myndu sóma sér vel á matseðlum veitingahúsa.
Gestakokkur dagsins var Hallgrímur F. Sigurðsson matreiðslumeistari á Akureyri sem rekur tvo veitingastað í Menningarhúsinu Hofi, 1862 Nordic Bistro og Nönnu Seafood og auk þess barinn R5 við Ráðhústorg. Hallgrímur segist hafa ánægju af því að prófa sig áfram með óhefðbundið hráefni eins og saltkjöt og meðlæti sem passar með því. Hallgrímur útbjó sína útfærslu af saltkjötsréttinum og hjónabandssælueftirréttinum og miðlaði kunnáttu sinni til verðandi matreiðslumanna.