Fara í efni

Rafrænar kynningar nemenda stúdentsprófsbrauta á lokaverkefnum

Örvar Ágústsson með rafæna kynningu sína.
Örvar Ágústsson með rafæna kynningu sína.

Einn af föstum liðum við lok hverrar annar eru kynningar nemenda stúdentsprófsbrauta á lokaverkefnum sínum. Umsjón með þeim hafa kennararnir Kristjana Pálsdóttir og Urður María Sigurðardóttir. Fyrirkomulagið á kynningum lokaverkefna hefur verið með þeim hætti að Kristjana og Urður María hafa ásamt fagkennurum hlýtt á kynningarnar í M01 á sérstökum lokaverkefnisdegi áður en kennslu lýkur á hverri önn. Á þessari önn var þetta ekki mögulegt en engu að síður unnu nemendur stúdentprófsbrauta lokaverkefni sín og kynntu þau rafrænt á mánudag, þriðjudag og fimmtudag í liðinni viku. Kristjana og Urður María auk fagkennara áttu þá fjarfundi í gegnum Google Meet með nemendum og voru verkefnin í það heila 36 talsins.

Þrátt fyrir breytt fyrirkomulag gengu kynningarnar ljómandi vel og voru nemendum til sóma. Eins og ávallt voru verkefnin afar fjölbreytt, nefna má loftlagsbreytingar, aðdraganda fyrri heimsstyrjaldarinnar, áhrif lögleiðingar fíkniefna í Portúgal, sjálfsmynd unglingsstúlkna, fótbolta í Danmörku, burðarþol 3D prentaðra skrúfna, kynlífs- og klámvæðingu, sögu fyrstu þjóðar Bandaríkjanna o.s.frv.

Teknar voru skjámyndir af þátttakendum á kynningarfjarfundunum og má sjá þær hér.