Öryggisvika í VMA og öðrum starfsnámsskólum landsins
Þema þessarar viku í starfsnámsskólum landsins verða öryggismál í víðum skilningi. Flutt verða erindi í skólunum sem tengjast öryggismálum og verður hluta þeirra streymt á netinu.
Erindin verða flutt alla vikuna. Í VMA verður Baldur Hólm frá Norðurorku með fyrirlestur á morgun, þriðjudag, sem ber yfirskriftina Undirbúningur framkvæmda, háspenna, LMP og öryggi. Á miðvikudaginn kl. 10 verður Halldór Halldórsson frá Landsneti með fyrirlestur í VMA og Hjalti Steinþórsson frá Hamri á sama tíma nk. fimmtudag.
Í dag, mánudag, kl. 11:00 verður Gestur Pétursson, framkvæmdastjóri Veitna, með fyrirlestur um öryggismál, í húsnæði Tækniskólans í Reykjavík. Hér verður fyrirlestrinum streymt.
Á morgun, þriðjudag, verður Dóra Hjálmarsdóttir, sérfræðingur í neyðarstjórn verkfræðistofunnar Verkís, með fyrirlestur í Tækniskólanum í Reykjavík um neyðarstarf. Hér má sjá fyrirlesturinn.
Kl. 13:10 á morgun, þriðjudag, verður Anna Jóna Kjartansdóttir, gæða- og öryggisstjóri Ístaks, með fyrirlestur í fyrirlestur í Tækniskólanum í Hafnarfirði um öryggismál á vinnustað. Hér verður hægt að sjá fyrirlesturinn.
Á miðvikudag kl. 10:00 verður Gullveig Ösp Magnadóttir, iðjuþjálfi, með fyrirlestur í Verkmenntaskóla Austurland í Neskaupstað. Hér verður hægt að sjá fyrirlesturinn.
Á sama stað verður fyrirlestur kl. 10:30 á miðvikudag. Ingibjörg Ösp Jónasardóttir, hjúkrunarfræðingur, fjallar um bólusetningar og stungóhöpp. Hér verður hægt að sjá fyrirlesturinn.
Þriðji fyrirlesturinn í Verkmenntaskóla Austurlands á miðvikudaginn verður kl. 11:00 þegar Matthías Haraldsson, öryggisstjóri Alcoa, ræðir um nýja sýn í örygismálum - stjórnun helstu áhættuþátta. Hér verður hægt að sjá fyrirlesturinn.
Á fimmtudag kl. 11:00 verður Freyr Ingi Björnsson frá Sigmönnum með fyrirlestur í Tækniskólanum í Hafnarfirði um fallvarnir. Hér verður hægt að sjá fyrirlesturinn.
Á föstudag kl. 11:00 verður Anna Jóna Kjartansdóttir, gæða- og öryggisstjóri Ístaks, aftur með fyrirlestur um öryggismál á verkstað. Hér verður hlekkur á fyrirlesturinn.