Fara í efni

Litla hryllingsbúðin sett upp í Samkomuhúsinu næsta haust

Kristján Blær og Jón Páll handsala samkomulagið.
Kristján Blær og Jón Páll handsala samkomulagið.

Tekist hafa samningar milli Nemendafélags VMA og Menningarfélags Akureyrar um að Leikfélag VMA setji upp Litlu hryllingsbúðina í Samkomuhúsinu á Akureyri næsta haust, nánar tiltekið er frumsýning áætluð í lok október.

Sem kunnugt er þurfti Leikfélag VMA að flytja sýningu sína Bjart með köflum fram í Freyvang sl. vetur vegna þess að ekki náðust samningar um leigu á Samkomuhúsinu.. En nú hafa sem sagt samningar tekist, sem er sannarlega fagnaðarefni.

Á meðfylgjandi mynd handsala Kristján Blær Sigurðsson, formaður Nemendafélags VMA, og Jón Páll Eyjólfsson, leikhússtjóri, samkomulagið.