Lífshlaupið - framhaldsskólakeppni í hreyfingu er hafin
Miðvikudaginn 3. október fór í gang verkefni á vegum Landlæknis / Lýðheilsustöðvar og ÍSÍ sem nefnist
"Lífshlaupið". Lífshlaupið er hvetjandi framhaldsskólakeppni í hreyfingu og stendur til 16. október. Keppt er í nokkrum flokkum eftir fjölda
nemenda og er VMA í flokki með 100 nemendur eða fleiri. Keppt er í hlutfallslegum fjölda daga með hreyfingu og einnig í hlutfallslega fjölda
mínútna. Nánari útskýringar eru á lifshlaupid.is.
Viljum við hvetja alla nemendur og starfsfólk til að skrá sig þar inn og skrá alla hreyfingu sem þið gerið á þessum vikum.
Þegar þið farið inn í fyrsta skiptið farið þið inn á "lifshlaupid.is". Þar í vinstri dálki smellið þið á
FRAMHALDSSKÓLAKEPPNI. Þá komið þið inn á síðuna fyrir framhaldsskólana og ef þú ert ekki skráð/ur inn
þá smellir þú á "Nýskráning" efst á síðunni og síðan á SKRÁ EINSTAKLING. Þar ertu beðin/n um
nokkrar upplýsingar og gerir þér m.a. lykilorð, velur svo skóla (Verkmenntaskólinn á Akureyri), og lið (VMA1). Þá ertu kominn inn og
getur byrjað að skrá inn hreyfinguna þína.
Verið endilega dugleg að skrá hreyfinguna ykkar (bæði í skólanum og í frítímanum) og sýnum hvað VMA á spræka
nemendur og starfsfólk.