Hlaupaæfingar framundan - Vorhlaup VMA 27. apríl!
Í ár verður á nýjan leik efnt til Vorhlaups VMA eftir þriggja ára stopp vegna kóvidfaraldursins. Hlaupið verður 27. apríl nk. kl. 17:30 (sama dag verður opið hús í VMA) og því gefst góður tími til æfinga - strax núna í páskaleyfinu milli páskaeggjanna!
Nemendur í áfanga hjá Ólafi H. Björnssyni á íþróttabraut skipuleggja hlaupið í samráði við hlauparáð og nemendafélagið Þórdunu.
Þátttakendur geta skráð sig í grunnskólaflokk (5 km), framhaldsskólaflokk og opinn flokk (5 og 10 km)
Undirbúningur hlaupsins er sem sagt kominn í fullan gang enda að mörgu að hyggja. Enn frekari kraftur verður settur í undirbúning hlaupsins eftir páskaleyfi og þá verður fjallað nánar um það hér á heimasíðunni. En vert er að benda á að búið er að setja upp Facebook síðu hlaupsins og einnig er komin upp Instagram síða um hlaupið.