Gryfjutónleikar í kvöld - ókeypis aðgangur

Gryfjutónleikar verða í kvöld þar sem nemendur í VMA stíga á stokk og flytja tónlist af ýmsum toga. Ókeypis verður á tónleikana.

Fyrir tónleikunum stendur Tónlistarfélagið Þrymur og hafa þeir Friðrik Páll Haraldsson og Ágúst Máni haft með höndum skipulagningu þeirra. 

Hljómsveit kvöldsins skipa:

Ágúst Máni, bassi
Valur Freyr, gítar
Jóel Örn, gítar
Ólafur Anton, trommur
Styrmir Þeyr, flygill/hljómborð

Söngvarar kvöldins verða:

Særún Elma, Örn Smári, Anton Líni, María Björk, Embla Björk, Embla Sól og Ásrún Ásta.

Friðrik Páll segir að slíkir tónleikar hafi í fyrsta skipti verið haldnir í fyrra og þeir hafi tekist það vel að honum hafi ekki fundist annað koma til greina en að endurtaka leikinn í ár. Friðrik Páll lofar góðri og fjölbreyttri skemmtun - allskyns tónlist; rokk, popp, ballöður og fl. - bæði frumsamið efni og ábreiður. Hann segir ánægjulegt að allir sem að tónleikunum komi séu í VMA - hljóðfæraleikarar, söngvarar og tæknimenn.