Fara í efni

Brautskráningarnemar dimmiteruðu!

Nemendur á listnámsbraut. Vélstjórnarnemar fjær.
Nemendur á listnámsbraut. Vélstjórnarnemar fjær.

Loksins, loksins gátu brautskráningarnemar gert sér glaðan dag. Síðustu tvö skólaár hafa þeir ekki getað dimmiterað og fagnað þannig námslokum en í dag var loksins komið að því. Brautskráningarnemar á þessu ári - við vorútskrift í þar næstu viku og í desember nk. - dimmiteruðu í dag.

Eins og hefð er fyrir hittust nemendur snemma í morgun við skólann og síðan lá leiðin heim til kennara til þess að kveðja þá með formlegum hætti. Aftur lá leiðin í skólann og var efnt til leikja- og sönghátíðar í Gryfjunni þar sem nemendur og kennarar skemmtu sér í reiptogi og ýmsum leikjum. Að venju var punkturinn settur yfir i-ið með kaffi og bakkelsi í A-álmu fyrir brautskráningarnema og starfsfólk. 

Hér eru myndir sem Árni Már Árnason tók í dag

Og hér eru myndir sem Hilmar Friðjónsson tók: 

Myndaalbúm 1
Myndaalbúm 2
Myndaalbúm 3
Myndaalbúm 4
Myndaalbúm 5

Og hér er svo myndband sem Dagný Hulda Valbergsdóttir vann.

Þetta var sannarlega skemmtilegur dagur og langþráður. 

Á morgun, föstudaginn 13. maí, er síðasti kennsludagur en brautskráning verður annan miðvikudag, 25. maí.