Fara í efni

Framhaldsskoli.is opinn nemendum VMA

Síðastliðinn vetur fór í loftið vefurinn framhaldsskoli.is þar sem er að finna ýmsar upplýsingar og verkefni sem nýtast vel nemendum í framhaldsskólum landsins. VMA er áskrifandi að framhaldsskoli.is og þar með hafa nemendur skólans aðgang að vefnum og geta nýtt sér hann til aðstoðar í sínu námi innan veggja VMA í gegnum netaðgang skólans.

Ástæða er til að hvetja nemendur VMA til að kynna sér og nýta þetta hjálpargagn í námi sínu í skólanum.

Vefnum er lýst svo: „Framhaldsskoli.is er ný síða fyrir nemendur þar sem boðið er upp á stuðning við valdar kennslubækur og áfanga í framhaldsskólanum.  Stuðningurinn er annars vegar tengdur völdum kennslubókum og/eða sértækum vefsíðum sem nýtast nemendum með beinum eða óbeinum hætti. 

Bókastuðningurinn felst einkum í gagnvirkum þjálfunarspurningum, flettispjöldum, rafbókum, hljóðbókum og glósum. 

Á vefsíðunum er hægt að nálgast valið efni, s.s. stærðfræðiskýringar á myndbandi, skýringar á öllum helstu málfræði- og bókmenntahugtökum, sögur í íslensku og ensku með skýringum og upplestri og margt fleira.“