Heimsmarkmið SÞ í þemaviku

Þessi vika er þemavika í VMA þar sem sjónum verður beint að heimsmarkmiðum Sameinuðu þjóðanna um sjálfbæra þróun og verða nokkrir viðburðir í vikunni sem á einn eða annan hátt tengjast heimsmarkmiðunum. Viðburðir í þemavikunni verða öllum áhugasömum opnir.

Heimsmarkmið Sameinuðu þjóðanna eru sannarlega víðtæk og má óhikað segja að þau snerti á einn eða annan hátt fólk um allan heim:

1. Útrýming fátæktar um allan heim.
2. Að útrýma hungri, tryggja fæðuöryggi og bætta næringu og stuðla að sjálfbærum landbúnaði.
3. Heilsa og vellíðan - að stuðla að heilbrigðu líferni og vellíðan allra.
4. Menntun fyrir alla – að tryggja öllum jafnan rétt að góðri menntun og tækifærum til náms.
5. Kynjajafnrétti verði tryggt og staða kvenna og ungra stúlkna styrkt.
6. Tryggja öllum aðgang að hreinu vatni og góðri hreinlætisaðstöðu.
7. Tryggja öllum aðgang að öruggri og sjálfbærri orku á viðráðanlegu verði.
8. Atvinna og hagvöxtur – stuðla að sjálfbærum hagvexti og atvinnutækifærum fyrir alla.
9. Nýsköpun og uppbygging – uppbygging traustra innviða, sjálfbærs iðnaðar og hlúð verði að nýsköpun
10. Aukinn jöfnuður – unnið verði markvisst að því að minnka ójöfnuð í heiminum.
11. Sjálfbærni í samfélögum – gera borgir og íbúðarsvæði fólki aðgengileg, örugg og sjálfbær.
12. Ábyrg framleiðsla og neysla – leggja áherslu á að sjálfbæra neyslu og framleiðslu.
13. Aðgerðir í loftlagsmálum – bráðaaðgerðir gegn loftlagsbreytingum og áhrifum þeirra.
14. Verndun hafsins – stuðla að verndun hafsvæða og sjálfbærrar nýtingar auðlinda þeirra.
15. Verndun landsins – vernda og endurheimta vistkerfi á landi og stuðla að sjálfbærri nýtingu þeirra.
16. Friður og réttlæti – stuðla að friðsælum og sjálfbærum samfélögum fyrir alla jarðarbúa.
17. Samvinna þjóða heims um markmiðin – alþjóðlegt samstarf um sjálfbæra þróun og ráðast í aðgerðir.

Í fyrramálið, þriðjudag, kl. 08:15 verður kvikmyndasýning í M01 þar sem verður sýnd myndin Climate change the fact, ritstýrð af sir David Attenborough  Eftir hádegi, kl. 13:15, verður Jóhanna Bergsdóttir, skólasálfræðingur, með fyrirlestur í M01 um geðheilbrigðismál.

Á miðvikudaginn verður Valgerður Dögg Jónsdóttir kennari með opinn tíma í siðfræði kl. 13.15.

Á fimmtudaginn kl. 13:15 verður Helga Júlíusdóttir, náms- og starfsráðgjafi, með stutta kynningu í B04 á uppfærðri jafnréttisáætlun VMA.