Björg Eiríksdóttir bæjarlistamaður Akureyrar 2018
Björg Eiríksdóttir, myndlistarkona og kennari við listnáms- og hönnunarbraut VMA, var í dag útnefnd bæjarlistamaður Akureyrarbæjar 2018. Þetta var tilkynnt á Vorkomu Akureyrarstofu. Í frétt á vef Akureyrarbæjar um útnefninguna og afhendingu annarra viðurkenninga segir m.a.: "Á starfslaunatímanum mun Björg einbeita sér að nýrri einkasýningu sem hún hefur þróað í dágóðan tíma og á rætur að rekja til meistaraprófsrannsóknar hennar, þar sem fjallað var um samskipti manna við umhverfið sitt í gegnum skynjun líkamans."
Hér er frétt á vef Akureyrarbæjar um útnefningu Bjargar sem bæjarlistamanns og aðrar viðurkenningar sem voru afhentar í dag. Á meðfylgjandi mynd, sem Ragnar Hólm Ragnarsson tók á Vorkomunni í dag, er Björg með öðrum sem fengu viðurkenningar og forsvarsmönnum Akureyrarstofu.