Afhending á stundatöflum fimmtudaginn 18. ágúst

Afhending á stundatöflum haustannar verður með eftirfarandi hætti:

• kl. 9.00  Opnað verður fyrir stundatöflur allra nemenda í Innu. 
• kl. 13.00- 13.30  Nýir og endurinnritaðir nemendur (fæddir 1999 eða fyrr) - sjá upplýsingar um fund með nemendum hér neðar í fréttinni. 
• kl. 13.30 - 14.00 Nýnemar - sjá upplýsingar um fund með nemendum hér neðar í fréttinni. 

Mikilvægt er að nýnemar, nýir og endurinnritaðir nemendur komi í skólann til að fá stundatöflur sínar ásamt lykilorðum til að komast í tölvupóst og tölvukerfi skólans. 

Nemendur geta fengið útprentað eintak af stundatöflu sinni á skrifstofu VMA til og með 24. ágúst án endurgjalds. Nemendur sem hafa týnt lykilorðum sínum nálgast þau einnig á skrifstofu skólans. 

Til að fara inn í Innu er notaður Íslykill. Sótt er um íslykil í gegnum inna.is eða Ísland.is 

Töflubreytingar verða fyrir útskriftarnemendur (des 2016) frá kl. 10-12 á fimmtudaginn og frá 14.00-15.30. Töflubreytingar verða einnig á föstudag og mánudag. 

Nýir og endurinnritaðir nemendur (fæddir 1999 eða fyrr) sækja stundatöflur sínar kl.13:00 í Gryfjunni og í framhaldi af því verður haldinn fundur í M-01 kl. 13:30 fimmtudaginn 18. ágúst, mikilvægt er að þeir sem hafa ekki áður verið í VMA eða hafa ekki verið nemendur skólans á síðasta skólaári komi á þann fund.

Nýnemar (nemendur fæddir árið 2000 og eru að koma úr grunnskóla) mæta í Gryfjuna fimmtudaginn 18. ágúst kl. 13.30 til að fá stundatöflur sínar afhentar en í kjölfarið hitta nemendur umsjónarkennara sína. Mikilvægt er að allir nýnemar verði í Gryfjunni kl. 14.00 en þaðan fara þeir með umsjónarkennurum sínum í kennslustofu. Áætlað er að nemendur verði með umsjónarkennurum sínum í u.þ.b. klukkustund þar sem þeir fá ýmsar upplýsingar um upphaf skólagöngunnar í VMA. 

Til að efla samstarf heimilis og skóla eru forráðamenn nýnema boðaðir á kynningarfund með námsráðgjöfum og stjórnendum í M01 fimmtudaginn 18. ágúst kl. 16.15-17. Á fundinum verður farið yfir ýmsar upplýsingar er varða skólastarfið.

Kennsla hefst samkvæmt stundatöflu föstudaginn 19. ágúst. 

Hlökkum til skólaársins með ykkur.