"Þetta var frábær skemmtun"
Það var sannarlega ríkjandi ómæld gleði á frumsýningu Ávaxtakörfunnar í Hofi í gær, enda ástæða til. Viðtökurnar frábærar og leikhópurinn og aðstandendur sýningarinnar fengu mikið lof fyrir hana. Hilmar Friðjónsson var með myndavélina á loftið og fangaði gleðina.
Guðni Th. Jóhannesson, forseti Íslands, gat óvænt verið viðstaddur frumsýninguna og var afar ánægður með sýninguna. Á fésbókarsíðu sinni kemst hann svo að orði: "...og síðan náði ég að vera við frumsýningu leikfélags Verkmenntaskólans á Akureyri á Ávaxtakörfunni, barnaleikritinu vinsæla og djúpvitra. Allt fannst mér þar til fyrirmyndar, leikur, söngur, sviðsmynd, förðun og hvaðeina."
------
Önnur ummæli um sýninguna valin af handahófi á fb:
„Þetta var frábær skemmtun - glæsileg sýning.“
„Takk fyrir mig...frábær sýning.“
„Takk fyrir frábæra sýningu á Ávaxtakörfunni Leikfélag VMA! Til hamingju Pétur Guðjónsson og aðrir listrænir stjórnendur, leikarar/söngvarar og allir aðstandendur sýningarinnar. Vá hvað ég skemmti mér!“!
„Ávaxtakarfan frábær; söngurinn, dansinn, hoppið og skoppið! Til hamingju Leikfélag VMA!“
-----
Örvæntið ekki, Ávaxtakarfan verður sýnd aftur í tvígang næsta sunnudag, 18. febrúar. Seinni tvær sýningarnar á leikritinu. Missið ekki af þessu. Miðasala á mak.is