Sama notendanafn og lykilorð er notað fyrir eftirfarandi þjónustur/kerfi sem skólinn notar:
-
Google þjónusturnar - ath. allt netfangið notað við innskráningu (vma000000@vma.is)
-
Þráðlaust net (WiFi) ath. vma númerið notað við innskráningu (vma000000@vma.is)
-
Moodle (rafrænt kennslukerfi) ath. vma númerið notað við innskráningu (vma000000@vma.is)
-
Innskráning í borðtölvur skólans
Nemendur og starfsfólk geta alltaf endursett lykilorðin sín að þessum kerfum á síðunni https://i.vma.is með notkun rafrænna skilríkja eða Íslykli.
Ath. Inna (kennslu- og umsjónarkerfi VMA) er með frábrugðið lykilorð. Hér eru leiðbeiningar um hvernig skal nálgast það.
Rafræn skilríki / Íslykill
Rafræn skilríki
- Rafræn skilríki eru persónuskilríki í síma eða á snjallkorti. Þau jafngilda framvísun persónuskilríkja og er hægt að nota til fullgildrar undirritunar.
- Rafræn skilríki eru í boði fyrir einstaklinga undir 18 ára. Sækja þarf um í viðurvist forsjáraðila og báðir aðilar þurfa að framvísa lögmætum skilríkjum og skrifa undir samning.
- Fyrsta skrefið í umsókn um skilríki í farsíma er að athuga hvort SIM-kortið styðji rafræn skilríki (ef ekki þá er hægt að fá nýtt kort hjá símafyrirtæki).
- Rafræn skilríki er hægt að sækja um í bönkum, sparisjóðum og hjá Auðkenni. Þegar sótt er um rafrænt skilríki í farsíma þarf alltaf að hafa símann með, gilt ökuskírteini, vegabréf eða nafnskírteini með mynd.
- Rafræn skilríki á SIM kort eru án endurgjalds hjá Auðkenni (sept 2017).
- Meiri upplýsingar um rafræn skilríki í farsíma eru að finna á vef Auðkenni.is eða á vefnum Skilriki.is.
Íslykill
- Íslykill er lykilorð tengt kennitölu einstaklings eða lögaðila, gefið út af Þjóðskrá Íslands.
- Ekkert aldurstakmark er á Íslykli.
- Íslykill er hægt að nálgast í heimabanka (sjá myndbönd), í þjónustuveri Þjóðskrár Íslands (einstaklingar undir 18 ára þurfa að vera í fylgd með einum forráðamanni með lögmæt persónuskilríki) og einnig er hægt að fá hann sendan í bréfpósti á lögheimili (tekur 3-4 daga). Forráðamenn geta ekki fengið Íslykil barns sendan í eigin heimabanka.
- Við fyrstu innskráningu með nýjum Íslykli þarf að breyta lykilorðinu. Lágmark 10 stafir og blanda af bókstöfum, tölustöfum og táknum.
- Meira um Íslykilinn.
- Smellið hér til að panta Íslykil.
Ef þeir lenda í vandræðum þar geta þeir snúið sér að skrifstofu skólans eða sent póst á hjalp@vma.is.
Öryggiskröfur lykilorða hjá Google
Google er með sínar öryggiskröfur á lykilorð sem notuð eru og því þurfa sumir nemendur/starfsfólk að endursetja lykilorðin sín til að komast inn á þessar þjónustur.
-
Notendur frá því fyrir Google innleiðingu þurfa að endursetja lykilorðin sín á https://i.vma.is. Mælst er til þess að allir endursetji lykilorðin sín árlega.
- Nýnemar á haustönn fá sendan nýskráningarhlekk á skráð tölvupóstfang í Innu, þar sem þeir geta búið sér til lykilorð. Ef pósturinn berst ekki geta nemendur endursett lykilorðið sitt með rafrænum skilríkjum eða íslykli á slóðinni https://i.vma.is.
Þeir sem lenda í vandræðum með þessar leiðir geta snúið sér til verkefnastjóra gagnasmiðju, skrifstofu skólans eða sent póst á hjalp@vma.is.