Sérhæft nám til undirbúnings fyrir störf í matvöruverslunum

Hlusta

Um er að ræða þriggja anna nám sem ætlað er að mennta starfsfólk í matvöruverslunum þannig að það sé fært um að veita viðskiptavinum upplýsingar um þær matvörur sem verslunin selur. Nemandinn á að vera fær um að veita faglega og rétta þjónustu við afgreiðslu og meðferð matvæla. Námið skiftist í tvær bók- og verklegar annir í skóla og starfsnám í önn á viðurkenndum verknámsstað.

Forkröfur

Grunnskólapróf

Skipulag

Lögð er sérstök áhersla á að nemendur öðlist alhliða þekkingu og leikni í meðhöndlun ferskra og frosinna matvæla í verslunum og geti starfað á grundvelli gildandi reglugerðaþar að lútandi. Sérstök áhersla er lögð á að nemendur tileinki sér viðeigandi framkomu og tjáningu.

Námsmat

Námsmat er þríþætt, hefðbundin bókleg próf, verklegar æfingar og próf í skóla og að lokum umsögn og einkunnagjöf að loknu vinnustaðanámi (krafa um þekkingaratriði er tilgreind í námssamningi).

Hæfnisviðmið

vinna eftir nýju matvælalöggjöfinni, 852 og einnig að hluta 853.
vinna eftir gildandi kröfum matvælalöggjafarinnar um móttöku hráefnis og geymsluaðferðir.
vinna eftir gildandi kröfum matvælalöggjafarinnar varðandi, kjöt, fisk, ávexti, grænmeti, brauð eða önnur matvæli.
vinna eftir HACCP með áherslu á krossmengun, aðskilnað hráefnis, meðhöndlun, eldun og eða næga kælingu.
vinna af fagmennsku við framleiðslu og framreiðslu á matvælum.
vinna af fagmennsku við sölu matvæla úr verslunum.
vinna störf sín með áherslu á hreinlætis og örverufræði.
vinna störf sín með þekkingu á kryddum og marineringum og meðhöndlun þeirra.
vinna störf sín með þekkingu á útreikning næringargildis matvæla.
vinna störf sín með þekkingu á merkingu matvæla samkvæmt gildandi reglugerð.
vinna störf sín af ábyrgð og þekkingu á hráefnum og aukefnum sem geta valdið óþoli og ofnæmi.
vinna störf sín með þekkingu á matseld, eldun og samsetningu hráefnis.
vinna störf sín af ábyrgð og skilning og vera virkur við miðlun upplýsinga og ráðgjöf til viðskiptavina.
vinna störf sín með þekkingu í iðnreikningi t. d. rýrnun, uppreiknuðum uppskriftum, innkaupum og innkaupaáætlunum.
vinna störf sín með áherslu á faglega framkomu, klæðnað og ríka þjónustulund mót viðskiptavini.
vinna störf sín með áherslu á og sýna frumkvæði til að draga úr hættu á matarsýkingum.
vinna störf sín með þekkingu á vélum og tækjum sem fylgja framleiðslu og eða sölu á matvælum í verslunum.
vinna störf sín af metnaði og fagþekkingu.