VMA í gervigreindarmyndbandi Anthropic

Myndbandið var unnið sl. vor en var birt fyrir nokkrum dögum. Þar kemur VMA við sögu.

Frá því að gervigreindin kom fyrst fram á sjónarsviðið hefur hún tekið umtalsverðum breytingum og enginn veit í hvaða átt hún mun þróast. Það eina sem er nokkurn veginn hundrað prósent öruggt er að við höfum aðeins séð brot af toppnum á ísjakanum.

Eitt af gervigreindarlíkönunum sem hafa náð lengst í Bandaríkjunum, eða sem er kannski öllu heldur regnhlíf fjölda gervigreindarlíkana, er Claude sem Antrophic hefur þróað. Síðastliðið vor sendi Antrophic framleiðsluteymi til Íslands í þeim tilgangi að gera myndband til að varpa ljósi á viðhorf Íslendinga til gervigreindarinnar. Víða var leitað fanga til að afla upplýsinga og fá fram viðhorf fólks, m.a. á Akureyri - þ.á.m. í VMA. Til viðtals í VMA voru Friðrik Óli Atlason, kennari í rafiðngreinum, og Sigfús Arnar Sveinbjörnsson, nemandi í rafvirkjun.

Sjón er sögu ríkari - hér er myndbandið.