RARIK gaf VMA Scania-vél
Inn á gólf í sal vélstjórnar í VMA er nú komin nýleg díselvél af gerðinni Scania, sem mun nýtast mjög vel í kennslu vélstjórnarnema. RARIK gaf skólanum vélina en hún þjónaði um tíma sem aflgjafi Grímseyinga.
Um er að ræða léttbyggða, hraðgenga vél með rafala sem Vilhjálmur Kristjánsson kennari í vélstjórn segir að nýtist afar vel í mælingar og önnur verkefni vélstjórnarnema. Vélin er nú þegar farin að nýtast í kennslu. Hér eru vélstjórnarnemar í mælingaverkefni.
Kostur við þessar tegundir véla segir Vilhjálmur að sé sú staðreynd að þær séu ekki fyrirferðamiklar en gefi hins vegar mikla orku. Fyrir vikið eru slíkar vélar m.a. notaðar mikið í báta.
Önnur vél sem notuð var í hálfan annan áratug í Grímsey er einnig í vélaflota vélstjórnar. Hún er af gerðinni Volvo Penta árg. 1999.
VMA þakkar RARIK fyrir rausnarlega gjöf.