Nýnemadagar í bongóblíðu
Í þessari viku voru árlegir nýnemadagar. Í gær fór hluti nýnemanna í ferð að Hólavatni í Eyjafjarðarsveit og átti þar frábæran dag í ótrúlegri sumarblíðu, líklega var gærdagurinn besti dagur sumarsins hér norðan heiða. Seinni nýnemadagurinn var í dag þegar hinn hluti nýnemanna fór að Hólavatni og naut dagsins við leik og störf í ægifögru umhverfi.
Á Hólavatni brugðu nemendur og starfsmenn VMA á leik með ýmsum hætti og nutu veðurblíðunnar út í ystu æsar. Síðan var að sjálfsögðu boðið til grillveislu.
Þetta voru ánægjulegir nýnemadagar. Annað kvöld verður nýnemaball í Sjallanum og verður hitað upp fyrir það með grillmat í hádeginu á morgun.
Nýnemadagur 30. ágúst - albúm 1
Nýnemadagur 30. ágúst - albúm 2
Nýnemadagur 31. ágúst - albúm 1
Nýnemadagur 31. ágúst - albúm 2
Nýnemadagur 31. ágúst - albúm 3