Myndir úr nýnemaferðinni
28.08.2017
Matmálstími í nýnemaferðinni. Mynd: Hilmar F.
Hin árlega nýnemaferð sl. fimmtudag tókst með miklum ágætum og bar bros á andlitum nemenda í ferðinni vitni um að þeim leiddist hreint ekki. Það er einmitt tilgangurinn; að hafa gaman, hrista nýnemahópinn saman og kynnast í leiðinni starfsmönnum skólans.
Að þessu sinni lá leiðin austur yfir Vaðlaheiði og var áð á Laugum í Reykjadal, hvar efnt var til hinna ýmsu leikja og næring borin á borð fyrir ferðalanga. Einnig var Laxárvirkjun sótt heim og sömuleiðis Samgönguminjasafnið á Ystafelli í Kinn.
Hilmar Friðjónsson kennari var með í för og tók eins og honum einum er lagið fullt af myndum sem birtast hér í þremur albúmum.