Fara efni  

G gjf til rafindeildar

G gjf til rafindeildar
Stritlvurnar teknar upp r gjafakassanum.

Rafvirkjafélag Norðurlands og Smith &Norland færðu VMA að gjöf á dögunum sex Siemens LOGO stýritölvur sem Óskar Ingi Sigurðsson, brautarstjóri rafiðngreina, segir að komi sannarlega að góðum notum og vill hann koma á framfæri innilegu þakklæti fyrir þessa góðu gjöf.

Óskar Ingi segir að þessar nýju Siemens stýri- eða iðntölvur auki á fjölbreytnina við kennslu í rafiðngreinum í VMA en eins og nafnið gefur til kynna stýra þær vélbúnaði.

Á heimasíðu Félags íslenskra rafvirkja kemur fram að félagið ásamt Rafvirkjafélagi Norðurlands, Félagi rafiðnaðarmanna á Suðurlandi og Rafiðnaðarfélagi Suðurnesja – í samstarfi við Smith & Norland – séu þessa dagana að gefa öllum verknámsskólum landsins slíkar Siemens LOGO stýritölvur, sem þýði „að allir skólar á landinu geta nú kennt á sömu vélarnar og kemur þetta til með að nýtast t.d við stýriverkefni á Íslandsmóti iðn- og verkgreina,“ eins og segir orðrétt á heimasíðu Félags íslenskra rafvirkja. Þá er þess getið að unnið verði að gerð kennsluefnis fyrir stýrivélarnar sem hægt verði að nálgast á www.rafbok.is en þar er að finna bróðurpart námsefnis sem kennt er í rafiðngreinum.

Á meðfylgjandi mynd, sem var tekin þegar stýritölvurnar voru afhentar, eru frá vinstri: Helgi Jónsson, formaður Rafvirkjafélags Norðurlands, Óskar Ingi Sigurðsson, brautarstjóri rafiðngreina í VMA, Sigríður Huld Jónsdóttir, aðstoðarskólameistari, Hjalti Jón Sveinsson, skólameistari og Ari Baldurssonm, kennari í rafiðngreinum.

Hér eru fleiri myndir sem Hilmar Friðjónsson tók þegar Helgi Jónsson afhenti VMA gjöfina fyrir hönd Rafvirkjafélags Norðurlands og Smith og Norland.


Getum vi btt efni sunnar?
J

VERKMENNTASKLINN AKUREYRI

Skrifstofa VMA er opin alla virka daga fr kl. 08:00 - 15:00, nema fstudaga fr kl 08:00-13:00.