Arnar Ómarsson með þriðjudagsfyrirlestur

Arnar Ómarsson, fyrirlesari dagsins.

Myndlistarmaðurinn Arnar Ómarsson heldur fyrirlestur í dag, þriðjudaginn 3. febrúar, kl. 17 í Ketilhúsinu sem hann nefnir Skáldið og staðreyndin. 

Í fyrirlestrinum mun Arnar ræða fyrri verk og hugmyndir sem byggja grunninn að næstu sýningu hans, MSSS, sem opnar í vestursal Listasafnsins á Akureyri laugardaginn 28. febrúar næstkomandi. Viðfangsefni sýningarinnar er hlutverk skáldskapar í mótun staðreynda með áherslu á tækni og geimrannsóknir.

Fyrirlesturinn er í röð svokallaðra þriðjudagsfyrirlestra sem efnt er til á þriðjudagseftirmiðdögum í Ketilhúsinu á vegum listnámsbrautar VMA, Listasafnsins á Akureyri, Háskólans á Akureyri og Myndlistaskólans á Akureyri.

Enginn aðgangseyrir er á fyrirlesturinn og eru allir velkomnir.