HUGM2HÚ05 - Hugmyndafræði

Lýsing

Nemandinn kynnast aðferðum sem nýttar eru til þess að efla skapandi hugsun, þjálfa leikni í þróun hugmynda og auk hæfni sína við að koma þeim á framfæri. Nemandinn notar ýmsar aðferðir við skrásetningu hugmynda sinna og þróar þær m.a. í gegnum leik og tilraunir. Lögð er áhersla á að nemandinn skoði margvíslegar útfærsluleiðir, þar sem bæði er unnið sjálfstætt og í samvinnu við aðra. Fjallað verður sérstaklega um mikilvægi ímyndunaraflsins í sköpunarferlinu og unnið með ólíkar leiðir til að virkja það. Að auki er áhersla er lögð á umræður og að nemendur læri hver af öðrum.

Þekkingarviðmið

Nemandi skal hafa öðlast þekkingu og skilning á:

• hugsanaferlinu frá hugmynd til listrænnar sköpunar

• gagnreyndum leiðum sem hægt er að nýta við hugmyndavinnu og þróun hugmynda

• samhenginu á milli hugmyndar og fjölbreyttrar úrvinnslu

Leikniviðmið

Nemandi skal hafa öðlast leikni í að:

• beita opinni og leitandi hugsun við þróun hugmynda og beita margvíslegum aðferðum til að virkja ímyndunaraflið

• beita sjálfstæði, frumkvæði og hugmyndaauðgi í vinnubrögðum og við framsetningu eigin hugmynda

• virkja persónulegar leiðir við hugmyndavinnu og skrásetningu þeirra

Hæfnisviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• þróa hugmyndir sínar á opinn og skapandi hátt í gegnum tilraunir, fræðilegar aðferðir og eftir markvissu þróunarferli

• nýta margvíslega möguleika við úrvinnslu og framkvæmd hugmynda

• kynna hugmyndir sínar á fjölbreytta vegu, rökstyðja niðurstöður sínar og taka þátt í umræðum um eigin verk og annarra á uppbyggilegan hátt