TRÉS2II10 - Trésmíði 3

Lýsing

Í áfanganum lærir nemandinn um innangerð húsa, svo sem afréttingu, lektun útveggja, plötuklæðningar, og uppsetningu innveggja. Nemandinn lærir glugga– og hurðasmíði ásamt frágangi við glugga– og hurðaop. Einnig lærir nemandinn um smíði innréttinga og innihurða, uppsetningu þeirra og frágang. Kennslan er að mestu verkleg þar sem nemendur smíða hluti eftir teikningum og/eða verklýsingum. Áfanginn er ætlaður bæði húsa– og húsgagnasmiðum.

Einingar 10

Þekkingarviðmið

• innri uppbyggingu húsa
• frágangi klæðninga, innréttinga, gólfefna, glugga og hurða
• innveggjasmíði
• mismunandi gerðum glugga og hurða
• ólíkum lausnum við smíði innréttinga

Leikniviðmið

• nota og vinna með öryggisbúnað
• velja verkfæri við hæfi og vinna með þau
• rétta af útveggi undir klæðningar
• smíða ólíkar gerðir innveggja
• smíða glugga, hurðir og innréttingar
• áætla efni til smíðavinnu
• vinna eftir teikningum og verklýsingum

Hæfniviðmið

• smíða eftir teikningum og verklýsingum
• leysa af hendi fjölbreytt verkefni á byggingavinnustað