SMÍV2RE05A - Smíði og hönnun rafeindarása

Lýsing

Í þessum áfanga er lögð áhersla á hönnun og smíði rafeindarása til að taka við boðum og stýra ytri búnaði. Kennd er hönnun og smíði samsettra rafeindarása og veitt innsýn í eðlisfræði íhluta. Smíðaðar eru einingar til að taka við merkjum frá skynjurum og til aflstýringar á orkufrekum tækjum. Farið er í uppröðun og tengingar á tilbúnum iðnaðarreglunareiningum á DIN skinnu og gengið frá kassa með búnaði á DIN skinnu í samræmi við staðla og ákvæði reglugerða. Farið er í fínlóðningar með yfirborðsásetta íhluti (SMD) og kennd tækni við að skipta út íhlutum með mörgum tengingum. Farið er í kynnisferðir í framleiðslufyrirtæki. Lögð er áhersla á vönduð vinnubrögð og notkun hermiforrita.

Einingar 5

Þekkingarviðmið

• prentplötugerð og mikilvægi rýmda og spans í rásum.
• helstu verkfærum fyrir rásasmíði.
• merkingum og stöðlum yfirborðslóðaðra íhluta (SMD)

Leikniviðmið

• leggja tölvuteiknaða rafeindarás á prent
• æta eða fræsa prentplötur með ljósfilmu
• lóða SMD íhluti á prent
• aflóða SMD íhluti

Hæfniviðmið

• hanna og teikna rafeindarásir í þar til gerðu teikniforriti
• hanna prentplötu út frá skematískri teikningu
• sannreyna virkni rásarinnar í hermiforriti
• lóða upp rásina með hvort heldur sem er gegnumgangsíhlutum
• sannreyna virkni rásarinnar með mælitækjum