RAMV2RS05 - Rafmagnsfræði 3

Lýsing

Lögð er áhersla á að nemandinn fái þjálfun í reikningum á RLC – rásum varðandi riðstraumsviðnám, samviðnám, spennuföll og fasvik bæði í hliðtengdum og raðtengdum rásum. Nemandinn lærir um desebelútreikninga og notkun þeirra, helstu síur og hvernig hægt er að búa þær til úr RLC-rásum og framkvæma reikninga á þeim. Auk þess kynnist nemandinn umhverfisháðum viðnámum og táknum fyrir þau. Nemandinn framkvæmir einnig mælingar á síum og öðrum RLC – rásum bæði með hjálp mælitækja, sveiflusjár og hermiforrits.

Einingar 5

Þekkingarviðmið

• hvernig riðstraumsrásir með spólum og þéttum hegða sér við breytilega tíðni
• virkni helstu sía
• virkni umhverfisháðra viðnáma
• desebel útreikningum og logarithmiskum kvarða

Leikniviðmið

• framkvæma alla helstu reikninga í rað- og hliðtengdum RLC – rásum
• segja til um hvernig viðám og fasvik svona rása breytist með tíðni
• tengingum og mælingar á RLC – rásum
• útreikningi/hönnun á einföldum síum

Hæfniviðmið

• tengja eftir teikningu og mæla í RLC – rásum bæði raðtengdum og hliðtengdum
• hanna einfaldar síur með þéttum viðnámum og spólum og gera á þeim mælingar
• gera mælingar á RLC – rásum yfir ákveðið tíðnisvið
• setja niðurstöður fram í desebelum og í logaritmiskum kvarða
• nýta sér hermiforrit til mælinga á rásum
• setja niðurstöður mælinga fram í skýrsluformi