BÓKF2TF05 - Tölvubókhald

Lýsing

Í þessum áfanga er tölvutæknin notuð til þess að færa bókhald eftir fylgiskjölum sem nemandi hefur raðað í möppu á kerfisbundinn hátt. Áhersla er lögð á að nemandinn öðlist skilning á hvernig fjárhagsbókhald sækir upplýsingar í birgðabókhald, viðskiptamannabókhald, sölubókhald og launabókhald. Nemandinn lærir hvernig bókhaldslykill er skipulagður og settur upp. Kynntir eru möguleikar á ítarlegri skýrslugerð ásamt túlkun og greiningu upplýsinga. Nemandinn kynnist mikilvægi upplýsingakerfa fyrir stjórnendur í nútíma viðskiptaumhverfi þar sem nákvæmar upplýsingar nýtast þeim til ákvarðanatöku við rekstur fyrirtækis. Lögð er áhersla á sjálfstæð vinnubrögð nemenda.

Einingar 5

Þekkingarviðmið

• röðun og varðveislu fylgiskjala
• uppsetningu og skipulagi bókhaldslykla í tölvubókhaldi

Leikniviðmið

• færa stafrænt bókhald eftir fylgiskjölum
• vinna með dagbókar- og uppgjörsfærslur
• gera upp bókhald lítils fyrirtækis á eigin spýtur

Hæfniviðmið

• útbúa launaseðla og skilaskýrslur sem varða laun og virðisaukaskatt
• nýta upplýsingakerfi til markvissrar upplýsingaöflunar
• greina og túlka upplýsingar úr tölvubókhaldi