VIÐH3VV04 - Viðhald vélbúnaðar skipa

Lýsing

Nemandinn öðlast þekkingu á undirstöðuatriðum í viðhaldi og viðgerð á brunahreyflum skipa og algengum vél- og drifbúnaði sem þeim tengist. Nemandinn tekur í sundur, skoðar og setur saman vélar og vélbúnað.

Einingar 4

Þekkingarviðmið

• uppbyggingu véla og samsetningu vélahluta
• aðferðum við að stilla saman vélar og vélbúnað
• hlutverki og uppbyggingu forþjöppu og gangráðs
• áhrifum hitabreytinga á þenslu vélahluta og hvernig brugðist er við þeim við hönnun vélbúnaðar
• aðferðum og efnum sem notuð eru til að steypa undir vélar og tæki

Leikniviðmið

• meta ástand vélbúnaðar samkvæmt þjónustu- og viðhaldslýsingum framleiðenda
• mæla og skoða búnað með tilliti til slits og leggja mat niðurstöður
• taka upp strokk og bullu meðalhraðgengrar dieselvélar og meta slit
• sveigjumæla sveifarás og leggja mat á slit í sveifar- og höfuðlegum dieselvéla

Hæfniviðmið

• vinna að upptektum á vélum og vélbúnaði
• mæla upp skipsskrúfu og leggja mat á niðurstöður
• leggja mat á dælur og dælikerfi sem þjónusta aflvélar með tilliti til viðhalds og upptektar
• sinna umhirðu tannhjóla og vökvagíra
• rétta af (lína saman) vél og drifbúnað
• meta ástand brunahreyfla útfrá niðurstöðum athugana, svo sem þjöppumælingu og mælingu á smurolíuþrýstingi