UPPT1FO02Z - Upplýsingatækni og forritun

Lýsing

Í áfanganum fær nemandi að kynnast undirstöðum forritunar. Áhersla er lögð á að leysa ýmsar þrautir með því að útbúa einfalda kóða og fá nemendur að prufa sig (orsök og afleiðing) áfram skref fyrir skref. Nemandi öðlast þannig aukna færni í rökhugsun og sköpunarhæfni og hæfni til gagnrýnnar hugsunar.

Markmið

Þekkingarviðmið – Nemandi skal hafa öðlast þekkingu og skilning á:

• einfaldri forritun
• hvernig mismunandi kóðar hafa áhrif á forritun
• rökhugsun að baki forritun
• hvar leita megi upplýsinga til lausna

Leikniviðmið - Nemandi skal hafa öðlast leikni í að:

• leysa einfaldar forritunarþrautir
• skrifa einfalda kóða
• leita leiða til lausna með samvinnu

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• nýta sér einfalda forritun til gagns og gamans
• greina milli ólíkra forritunarleiða til ólíkra verka