TEIK3MR04B - Teikningar og verklýsingar II - Múraraiðn
Undanfari : TEIK2MR04A
Í boði
: Ekki alltaf
Flokkur
: Dagskóli
Lýsing
Nemendur fá áframhaldandi þjálfun í lestri og gerð uppdrátta og teikninga af mannvirkjum og sérhlutum múraraiðnar. Í þessum áfanga er lögð áhersla á ýmsar deililausnir varðandi flísa‐ og steinlagnir auk þess sem farið er yfir hleðslu húsa og einstakra byggingarhluta. Nemendur læra um flísalagnir á baðherbergi og í sundlaugum, algengustu steinlagnir, hleðslu einfaldra mannvirkja og bygginga úr náttúru‐ og hleðslusteini auk arinsmíði. Jafnframt er komið inn á útfærslur og hönnun plastkubbahúsa. Fjallað er um mismunandi útfærslur á mynstrum og hleðslum, hönnun og hönnunarforsendur, verklýsingar með tilliti til m.a. efniskrafna og einangrunar, fagheiti, teiknitákn m.m. Kennslan byggir á verkefnavinnu ásamt fræðslu og upplýsingum frá kennara.
Nemandi skal hafa öðlast þekkingu og skilning á:
- ákvæðum reglugerðar um eldstæði og reykháfa.
- helstu mynstrum og útfærslum við flísa‐ og steinlagnir og hleðslu úr steini.
- ákvæðum reglugerðar um útfærslur á baðherbergjum og salernum.
- gerðum uppdrátta og teikninga og öllum almennum teiknitáknum.
- teikniaðferðum og teiknireglum fyrir séruppdrætti múrverks.
Nemandi skal hafa öðlast leikni í að:
- beita ákvæðum reglugerðar um brunavarnir og einangrun bygginga.
- lesa og vinna með uppdrætti af flísa‐ og steinlögnum og hleðslu.
- lesa og skilja merkingar á teikningum og verklýsingar.
Nemandi skal geta hagnýtt þá almennu þekkingu og leikni sem hann hefur aflað sér til að:
- styðjast við Rb‐blöð í upplýsingaleit og við gerð teikninga.
- gera efnislista og útreikninga á grundvelli hönnunargagna.
- gera einfalda uppdrætti og teikningar af flísa‐ og steinlögnum og hleðslu.
- gera séruppdrætti og sýna deililausnir vegna flísa‐ og steinlagna.
- gera fríhendisrissmyndir af flísa‐ og steinlögnum og hleðslu.
Símat