STÆF1PV02Z - Stærðfræði daglegs lífs með áherslu á peninga og verðgildi

Lýsing

Í áfanganum er unnið með grunnþætti stærðfræðinnar svo sem reikniaðgerðirnar fjórar, samlagningu, frádrátt, margföldun og deilingu. Sérstök áhersla verður lögð á fjármuni, gildi peninga, verðskyn og verðgildi ýmissa hluta. 

Markmið:

Þekkingarviðmið - Nemandi skal hafa öðlast þekkingu og skilning á: 

• reikniaðgerðunum fjórum, samlagningu, frádrætti, margföldun og deilingu 
• gildi og meðferð peninga 
• hlutverki peninga í daglegu lífi 

Leikniviðmið - Nemandi skal hafa öðlast leikni í að: 

• nýta sér reikniaðgerðirnar fjórar 
• nota peninga og meta verðgildi hluta m.a. með því greina á milli þess sem er dýrt og ódýrt 
• þekkja íslenskan gjaldmiðil 

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að: 

• nýta reikniaðgerðirnar fjórar til gagns 
• átta sig á hvernig peninga er aflað 
• mikilvægi þess að fara vel með peninga