STÆF1AS02Z - Stærðfræði daglegs lífs með áherslu á reikniaðgerðirnar fjórar

Lýsing

Í áfanganum verður unnið með útreikninga og stærðfræðileg hugtök sem nýtast nemendum í daglegu lífi. Lögð verður áhersla á grunnþætti stærðfræðinnar, samlagningu, frádrátt, margföldun og deilingu. Unnið verður að því að auka sjálfstraust og sjálfstæði nemanda í stærðfræði þannig að þeir geti með góðu móti unnið nokkuð sjálfstætt..

Markmið:

Þekkingarviðmið - Nemandi skal hafa öðlast þekkingu og skilning á:

• undirstöðuatriðum í grunnreikniaðgerðum stærðfræðinnar, samlagningu, frádrætti, margföldun og deilingu
• mikilvægi stærðfræðinnar í daglegu lífi

Leikniviðmið - Nemandi skal hafa öðlast leikni í að:

• vinna sjálfstætt
• nota vasareikni
• nota algengi stærðfræðitákn
• leysa úr stærðfræðilegum upplýsingum

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• nýta stærðfræðikunnáttu sína við lausn viðfangsefna daglegs lífs
• skrá lausnir sínar á skipulagðan hátt
• fylgja þeim fyrirmælum sem gefin eru
• Beita skipulögðum aðgerðum við lausn verkefna.