SOGT2PL03 - Stýringar og tæknibúnaður I
Í boði
: Ekki alltaf
Flokkur
: Dagskóli
Lýsing
Í áfanganum læra nemendur grunnatriði rafmagnsfræðinnar með áherslu á helstu hugtök og mælingar á straumi, spennu og mótstöðu í einföldum lagnabúnaði. Í framhaldi af því er fjallað um helsta búnað sem þarf að vera í tækjaklefa til tengingar og stýringar á hita- og neysluvatnskerfum og uppsetningu. Má þar nefna þrýstiminnkara, þrýstijafnara, slaufuloka, hvar nauðsynlegt er að geta lesið hita og þrýsting, öryggisloka og þensluker.
Nemandi skal hafa öðlast þekkingu og skilning á:
- grunnatriðum rafmagnsfræðinnar og uppbyggingu rafkerfa í byggingum.
- helstu teiknitáknum sem notuð eru í rafmagnsfræði.
- hvenær kalla þarf til rafvirkja og/eða rafeindavirkja.
- öryggisreglum og öryggisbúnaði sem tengist rafmagni.
- búnaði tækjaklefa fyrir hita- og neysluvatnskerfi.
- öryggisbúnaði vegna yfirþrýstings og ofhitnunar og búnaði til að stýra þrýstingi.
- samhenginu milli þrýstings, flæðis og stærðar loka.
- tæknilegum tengiskilmálum viðkomandi veitna.
Nemandi skal hafa öðlast leikni í að:
- mæla straum, spennu og mótstöðu í einföldum búnaði.
- beita mælitækjum til að mæla virkni í búnaði lagnakerfa.
- framkvæma einfaldar tengingar á rafmagnsknúnum lagnabúnaði.
- nota mismunandi gerðir af mælum fyrir hita og þrýsting, rennslismæla og dælur fyrir vatn og aðra vökva.
- nota helstu gerðir af lokum í lagnakerfum.
Nemandi skal geta hagnýtt þá almennu þekkingu og leikni sem hann hefur aflað sér til að:
- setja upp og tengja tæknilegan búnað lagnakerfa.
- setja upp loka og dælur af mismunandi gerðum.
- gangsetja hita- og neysluvatnskerfi á öruggan hátt.
- vinna í samræmi við viðurkenndar öryggisreglur og öryggisbúnað.
Símat og verkefnaskil