NÁSS1SN02Z - Náms- og starfskynning

Lýsing

Í áfanganum gefst nemandanum kostur á að kynnast ýmsu verklegu í skólanum og kynnist vinnubrögðum sem nýtast honum í daglegu lífi s.s. bakstri, eldamennsku og notkun einfaldra verkfæra. Að auki fær nemandinn svigrúm til sköpunar í gegnum hefðbundin listform, stafræna hönnun og hreyfingu.

Leitast er við að nemandinn finni styrkleika sína og öðlist sjálfstraust til að sinna ólíkum verkefnum og finni áhugasvið sitt í gegnum fjölbreytt nám.

MARKMIÐ:

Þekkingarviðmið:

Nemandi skal hafa aflað sér almennrar þekkingar og skilnings á:

• Ýmsum verknámsáföngum innan VMA
• grunnatriðum sem snúa að öryggi við hina ýmsu verklegu þætti
• réttum vinnustellingum

Leikniviðmið:

Nemandi skal hafa öðlast leikni í að:

• beita einföldum verkfærum/áhöldum
• bera virðingu fyrir sjálfum sér og öðrum í því verklega umhverfi sem hann er staddur í hverju sinni
• greina styrkleika sína og tengja áhugasvið sitt við nám
• setja sig í spor annarra, sýna umburðarlyndi og samhygð

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• stunda ánægjulegra nám á framhaldskólastigi
• hafa meira sjálfstraust og leikni við hina ýmsu verklegu og skapandi þætti
• ganga vel um verklega aðstöðu m.t.t. öryggis og frágangs
• bæta eigin vinnubrögð og samstarf við aðra