NÁLÆ1DP02Z - Náttúrulæsi með áherslu á dýr og plöntur

Lýsing

Markmið áfangans er að nemandinn kynnist fuglum, dýrum og plöntum á Íslandi og í heiminum.Lögð er áhersla á þekkingu og skilning á umhverfinu, náttúrunni og því sem í henni býr. Nemendur kynnast hvernig einstaklingurinn tengist umhverfi sínu og getur haft áhrif á það, einnig er fjallað um útbreiðslu fugla, dýrategunda og plantna.

Markmið: Þekkingarviðmið - Nemandi skal hafa öðlast þekkingu og skilning á:

• ýmsum fugla- dýra- og plöntutegundum
• umhverfinu og tengslum þess við einstaklinginn
• áhrifum einstaklingsins á náttúruna og dýralífið

Leikniviðmið - Nemandi skal hafa öðlast leikni í að:

• afla upplýsinga um fugla, dýr og plöntur á margvíslegan hátt
• afla upplýsinga um umhverfið
• átta sig á samspili einstaklinga við náttúruna, fuglana, dýrin og plönturnar

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• vera meðvitaður um alls konar fugla, dýr og plöntur
• bera virðingu fyrir fuglum, dýrum, plöntum og náttúrunni
• nýta sér tækni í þekkingarleit og meta upplýsingarnar á gagnrýnin hátt