MYNL2GR04 - Listgrafík

Lýsing

Nemandinn kynnist fjölbreyttum möguleikum og sérstöðu grafíklistar. Hann þjálfast í að undirbúa myndefni/teikningar fyrir fjölbreyttar grafíkaðferðir. Hann lærir hvernig ólíkar aðferðir kalla á ólík vinnubrögð. Lögð er áhersla á að nemendur læri fjölbreyttar aðferðir við að þrykkja og vanda frágang grafíkverka. Nemandinn fær innsýn í sögu og þróun grafíklistar og kynnist listamönnum sem vinna í miðilinn. Nemandinn ígrundar verk sín í samvinnu við kennara og samnemendur og setur verk sín og vinnuferli fram með skipulögðum hætti.

Þekkingarviðmið - Nemandi skal hafa öðlast þekkingu og skilning á:

• Hugtökum sem tengjast grafíklist

• Ólíkum prentaðferðum, efnum og áhöldum sem þeim tengjast

• Muninum á einþrykki, hæðarþrykki og djúpþrykki

• Sögu og þróun prentaðferða og þekki verk listamanna sem vinna innan grafíklistar

Leikniviðmið - Nemandi skal hafa öðlast leikni í að:

• Undirbúa myndefni/teikningu í samræmi við þá grafíkaðferð sem áætlað er að nota

• Þrykkja með fjölbreyttum aðferðum

• Ganga frá grafíkverkum til varðveislu og sýningar

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• Vinna myndverk út frá eigin hugmyndum með grafískum aðferðum

• Velja efni og aðferðir sem hentar hugmyndinni

• Sýna áræðni við þróun, túlkun og útfærslu eigin grafíkverka

• Ígrunda og ræða um verk sín og vinnuferli í samvinnu við kennara og samnemendur og nýta til þess grundvallarhugtök grafíklistar