MYNL2FF05 - Formfræði og fjarvídd

Lýsing

Nemandinn eflir næmi sitt fyrir rými og myndbyggingu á tvívíðum fleti og dýpkar skilning á grundvallaratriðum myndbyggingar, formfræði og hönnunar. Hann skerpir skynjun sína á formum og dýpt í umhverfinu sínu. Hann lærir undirstöðuatriði í fjarvíddarteikningu og aðferðir til að skapa dýpt á tvívíðan flöt. Nemandinn kynnist mismunandi efnum, áhöldum og aðferðum í vinnslu myndverka.

Þekkingarviðmið

Nemandi skal hafa öðlast þekkingu á:

• grundvallaratriðum í formfræði, myndbyggingu og fjarvídd og hugtökum þeim tengdum

• hvernig línur, form, litir, áferð og myndbygging hafa áhrif á myndverk og merkingu þess

• hvernig skapa á dýpt á tvívíðan flöt með fjarvídd og öðrum aðferðum

Leikniviðmið

Nemandi skal hafa öðlast leikni í að:

• beita grundvallaratriðum í formfræði, myndbyggingu og fjarvídd til að skapa dýpt á tvívíðan flöt og ná fram mismunandi áhrifum

• beita eins, tveggja og þriggja punkta fjarvíddarreglum til að skapa dýpt

• beita mismunandi efnum, aðferðum og áhöldum til að ná fram ýmiskonar áhrifum í myndverk

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• nýta formfræði, fjarvídd og myndbyggingu á persónulegan hátt í sköpun eigin myndverka

• setja upp verkefni sín á skapandi og skipulegan hátt

• fjalla um og meta eigin verk og annarra á upplýstan og greinargóðan hátt með vísan í grundvallaratriði formfræði, fjarvíddar og myndbyggingar