MLSU1PL03 - Málmsuða pípulagna
Í boði
: Ekki alltaf
Flokkur
: Dagskóli
Lýsing
Í áfanganum læra nemendur logsuðu og kynnast rafsuðu og hlífðargassuðu. Einnig læra þeir að lóða eirrör með mismunandi blöndum. Lögð er áhersla á meðferð logsuðutækja og öryggisreglur þar að lútandi. Kennslan er aðallega verkleg.
Nemandi skal hafa öðlast þekkingu og skilning á:
- rafsuðuvélum og stillingu suðustraums.
- vírum sem notaðir eru við rafsuðu og hlífðargassuðu.
- grunnreglum fyrir lóðningu með silfri, tini og fosfórblöndu.
- umgengni og öryggisreglum varðandi gashylki og suðutæki.
- sprengihættu sem stafar af gasi og súrefni.
- nauðsyn brunavarna við suðuvinnu málma.
Nemandi skal hafa öðlast leikni í að:
- setja upp hylki, slöngur og sköft.
- stilla réttan vinnuþrýsting.
- velja suðuspíssa út frá efnisþykkt.
- sjóða 1-3 mm plötur og rör í suðustöðum PA og PC.
- lóða eirlagnir með silfur/tinblöndum eða forfórslaglóði.
Nemandi skal geta hagnýtt þá almennu þekkingu og leikni sem hann hefur aflað sér til að:
- logsjóða plötur og rör.
- lóða eirrör með mismunandi blöndum.
- beita reglum um meðferð gass, súrefniskúta og logsuðutækja.
- meta og bregðast við nauðsyn brunavarna við suðuvinnu málma.
Símat og verkefnaskil