LOVE3LI05 - Lokaverkefni, sköpunarferli, sýning

Lýsing

Nemandinn vinnur lokaverkefni út frá eigin markmiðum og áhuga, allt frá fyrstu kveikju að lokaútfræslu. Hann þróar og mótar hugmyndir sínar með rannsóknar- og tilraunavinnu og útfærir verkið í þann miðil sem hann kýs. Hann vinnur á sjálfstæðan hátt í sköpunarferlinu en á í samtali og samvinnu við leiðsagnarkennara og nemendahóp jafnt og þétt. Hann tekur þátt í undirbúningi og uppsetningu sýningar á verkum hópsins og gerir í lokin grein fyrir hugmynd, þróunarferli og afstöðu til niðurstöðu.

Þekkingarviðmið  
Nemandi skal hafa öðlast þekkingu og skilning á:  

• þeim þáttum sem liggja að baki skapandi vinnuferlis

• eigin sköpunarferli

Leikniviðmið  

Nemandi skal hafa öðlast leikni í að:  

• vinna eftir rökrænu en opnu ferli þar sem eitt vinnslustig tekur við af öðru; kveikja, hugmynda-, rannsóknar- og tilraunavinna, úrvinnsla og lokafrágangur 

• tengja formræna framsetningu við inntak verks 

• setja upp sýningu í samvinnu við hóp

Hæfniviðmið  

Nemandi skal geta hagnýtt þá almennu þekkingu og leikni sem hann hefur aflað sér til að:  

• útfæra eigin hugmynd í miðil þannig að afrakstur sé í tengslum við ætlan

• gera grein fyrir eigin sköpunarferli og færa rök fyrir þeim ákvörðunum sem teknar eru í þróun verks með tilliti til faglegrar þekkingar

• fjalla um og meta eigin og annarra verk og vinnuferli á upplýstan og greinagóðan hátt í samvinnu við kennara og aðra nemendur