LOVE1SN02Z - Lokaverkefni sérnámsbrautar

Lýsing

Áfanginn er tekinn á síðasta námsári nemanda. Í áfanganum vinnur nemandi að ýmsum verkefnum sem m.a. tengjast skólalokum og/eða uppgjöri á eigin námi við VMA. Nemendur hafa tækifæri til að vinna með eigin áhugamál og miðla til annarra nemenda eftir aðstæðum. Unnið er sérstakt lokaverkefni í áfanganum og er framsetning og útfærsla fjölbreytt. Nemandi tekur þátt í sameiginlegri lokaverkefnissýningu og aðstoðar við undirbúning og uppsetningu.

Markmið

Þekkingarviðmið - Nemandi skal hafa öðlast þekkingu og skilning á:

• tilteknum viðfangsefnum sem lögð eru fyrir og valin í samráði við nemendur
• eigin áhugamálum og styrkleikum
• mikilvægi afmörkunar og skipulagðra vinnubragða í verkefnavinnu
• hvernig setja má upp stærri sameiginlega sýningu

Leikniviðmið - Nemandi skal hafa öðlast leikni í að:

• vinna með eigin hugmyndir og skoðanir
• vinna með áhugamál og miðla þeim til annarra
• taka þátt í samtölum um ólík hugðarefni ólíkra nemenda

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• undirbúa og setja upp sýningu
• tjá sig um eigin hugðarefni og annarra
• vinna með áhugamál og gera þeim skil á ólíka vegu
• vinna í hópi með öðrum nemendum