LIME3MU05 - Menningarumhverfi samtímans nær og fjær

Lýsing

Nemandinn skoðar og skilgreinir menningu, listir, hönnun, lífsstíl og miðla á líðandi stundu og í nánasta umhverfi. Hluti námsins felst í að fara á list- og menningarviðburði á svæðinu. Nemandinn þjálfast í að gagnrýna á fjölbreyttan og sjálfstæðan hátt það sem til skoðunar er, m.a. út frá fagurfræði, heimspeki, túlkun og tjáningu, undir leiðsögn kennara og í virku samtali við aðra nemendur.

Þekkingarviðmið

Nemandi skal hafa öðlast þekkingu og skilning á:

• hugtökum tengdum listum, hönnun og menningu í samtímanum
• list, hönnun og menningu í samtíma og nærumhverfi með tilliti til sköpunar og aðferðafræði og hvað liggur að baki einstaka verkum og viðburðum
• fjölbreytileika og gildi lista, hönnunar og menningar í umhverfinu

Leikniviðmið

Nemandi skal hafa öðlast leikni í að:

• rannsaka með opnum huga listir, hönnun og menningu í samtíma og nærumhverfi
• fjalla um viðfangsefnin í samhengi við hefðir, nýjungar, tækifæri, boðskap og lífstíl
• tjá sig á fjölbreyttan hátt um viðfangsefnin
• taka þátt í samræðum og samvinnu af sanngirni, virðingu og tillitssemi

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• nýta hugtök tengd listum, hönnun og menningu til að fjalla um, meta, bera saman og gagnrýna viðfangsefni áfangans á upplýstan, greinagóðan og gagnrýninn hátt og styðja skoðanir rökum

• þróa eigin hugmyndir um listir og menningu og setja fram sjálfstæðar ígrundaðar skoðanir