LÍFS1ÍL01Z - Lífsleikni með áherslu á lífsviðhorf

Lýsing

Markmið áfangans er að vinna með samhengi ímyndar, lífsstíls og lífsskoðunar. Skoðaðar verða fyrirmyndir ungmenna, hvernig þær endurspeglast í ýmsum miðlum og geta haft áhrif á eigin viðhorf.

Markmið

Þekkingarviðmið - Nemandi skal hafa öðlast þekkingu og skilning á:

• hvað hver og einn getur gert til að líða betur
• sjálfsmynd sinni og hvernig hún mótast og breytist
• hvernig fyrirmyndir geta haft góð og slæm áhrif á líf okkar og líðan

Leikniviðmið - Nemandi skal hafa öðlast leikni í að:

• tileinka sér heilbrigðan og jákvæðan lífsstíl
• kynna sér og segja persónum sem vilja vera fyrirmyndir annarra
• velja sér jákvæðar fyrirmyndir

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• lifa heilbrigðu líferni
• hlusta á skoðanir annarra og geta endurskoðað sínar eigin skoðanir þegar kemur að heilbrigðu líferni og lífsviðhorfi