LÍFS1ES02Z - Lífsleikni með áherslu á samskipti

Lýsing

Markmið áfangans er að efla félagslega færni nemandans í skóla, starfi og í samfélaginu. Með áherslu á samskipti, sjálfsöryggi og að hann virði skoðanir og lífsgildi annarra. Einnig að nemandinn verði meðvitaður um þá ábyrgð sem hann hefur gagnvart sjálfum sér og öðrum í skóla, starfi og samfélaginu.

Markmið:

Þekkingarviðmið – Nemandinn skal hafa öðlast þekkingu og skilning á:

• mikilvægi góðra/jákvæðra samskipta og samskiptaleiða bæði í skóla, starfi og samfélaginu
• að fólk tjáir sig með mismunandi hætti
• að virða ólíkar skoðanir og lífgildi annarra

Leikniviðmið – Nemandinn skal hafa öðlast leikni í að:

• eiga í góðum/jákvæðum samskiptum við annað fólk
• virða skoðanir og lífsgildi annarra
• gera sér grein fyrir ábyrgð sinni í samskiptum og gjörðum

Hæfniviðmið – Nemandinn skal geta hagnýtt þá almennu þekkingu og leikni sem hann hefur aflað sér til að:

• vera í góðum og jákvæðum samskiptum við annað fólk í samfélaginu
• sýna fólki virðingu þrátt fyrir ólíkar skoðanir og lífsgildi
• sýna ábyrgð í samskiptum, bæði rafrænt og í verki