ÍSLE1ÞÆ02Z - Íslenska - vættir, forynjur, þjóðsögur og ævintýri

Lýsing

Í áfanganum er unnið með færniþættina fjóra; tjáningu, læsi, hlustun og ritun. Nemendur kynnast vættum, forynjum, þjóðsögum og ævintýrum sem hluta af menningararfi okkar.

Markmið 

Þekkingarviðmið - Nemandi skal hafa öðlast þekkingu og skilning á: 

• boðskap sem birtist í þjóðsögum og ævintýrum
• persónum í þjóðsögum og ævintýrum
• vættum og forynjum í íslenskum sögum
• mikilvægi þjóðsagna í menningararfi Íslendinga

Leikniviðmið - Nemandi skal hafa öðlast leikni í að: 

• þekkja nokkrar vel valdar þjóðsögur og ævintýri
• segja frá og/eða skrifa stutt ævintýri/þjóðsögur þar sem vættir/forynjur koma við sögu
• þekkja uppbyggingu ævintýra og þjóðsagna og muninn þar á milli

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• njóta þess menningararfs sem felst í þjóðsögum og ævintýrum
• tjá sig um þjóðsögur/ævintýri á sinn hátt