ÍSLE1ÍL02Z - Íslenska með áherslu á ritun og tjáningu/framsögn í fjölbreyttu formi

Lýsing

Í áfanganum er unnið með færniþættina fjóra; tjáningu, læsi, hlustun og ritun. Nemendur kynnast nokkrum íslenskum verkum - ljóðum og/eða leikritum – höfundum þeirra og sögusviðinu (tímabil) sem verkin tilheyra.

Markmið

Þekkingarviðmið - Nemandi skal hafa öðlast þekkingu og skilning á:

• þeim menningar arfi sem felst í ljóðum og leikritum
• ólíkum leiðum til samskipta og tjáningar
• mikilvægi þess að hlusta og skiptast á skoðunum

Leikniviðmið - Nemandi skal hafa öðlast leikni í að:

• þekkja til einstakra ljóða og leikrita íslenskra höfunda
• setja fram stutta og skýra texta
• spyrja spurninga í hópi og taka þátt í samræðum

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að: 

• njóta ljóða lesturs og leikrita
• tjá sig í hópi og virða skoðanir annarra
• meta og bera saman ólík verk