ÍSLE1GG02Z - Íslenska með áherslu á goðafræði

Lýsing

Í áfanganum er unnið með færniþættina fjóra; tjáningu, læsi, hlustun og ritun. Heimur goðafræðinnar (norrænn, grískur og/eða rómverskur) er kynntur í máli og myndum ásamt kynningu á mismunandi sagnaformum. Fjölbreytt verkefni unnin.

Markmið

Þekkingarviðmið - Nemandi skal hafa öðlast þekkingu og skilning á: 

• helstu goðum og sögu þeirra
• að aðrir menningarheimar eigi sín goð
• helstu goðum og sérkennum þeirra með hliðsjón af nútíma ofurhetjum
• muninum á goðsögum, ævintýrum og þjóðsögum

Leikniviðmið - Nemandi skal hafa öðlast leikni í að: 

• þekkja helstu goð og söguna á bakvið þau
• skapa sitt eigið goð/ofurhetju með sögu og sérkennum
• leita upplýsinga á ólíku formi (net, bækur, annað) 

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að: 

• njóta þeirra sagnfræðilegu verðmæta sem liggja í goðafræði
• geta miðlað eigin skoðunum og vitneskju á fjölbreyttan hátt 
• sjá tengslin milli nútíma ofurhetja og þekktra goða
• gera sér grein fyrir hvort um goðsögu eða annars konar sagnaform er að ræða